འབྲུག་བཟའ་སྤྱོད་ལས་འཛིན་གྱིས་ གནད་ཡམས་ཀྱི་ཤུལ་ལས་ གདོང་ལན་དང་དཀའ་ངལ་སེལ་ཐབས་གྲིག་མིའི་ལེ་བརྟེན་ ཧེ་མའི་ལོ་དང་འོང་འབབ་བརྒྱ་ཆ་ ༥ དེམ་ཅིག་གི་མར་འབབ་འགྱོ་ཡོདཔ་ཨིན་མས། རྒྱལ་ཡོངས་ཀྱི་བཟའ་འཐུང་དང་ ཟས་བཅུད་ཉེན་སྲུང་ཡུན་བརྟན་འབད་བཞག་ནིའི་དོན་ལུ་འགན་ཁུར་བཀལ་ཡོད་མི་ལས་འཛིན་ཅིག་ཨིན་མི་ འབྲུག་བཟའ་སྤྱོད་ལས་འཛིན་ཚད་ཀྱི་ཉོ་བཙོང་གཉིས་ཆ་ར་ནང་ཐོ་ཕོག་ཡོདཔ་ཨིན་མས།
འབྲུག་བཟའ་སྤྱོད་ལས་འཛིན་ཚད་ཀྱི་སྙན་ཞུ་དང་འཁྲིལ་བ་ཅིན་ ལས་འཛིན་གྱི་ཚོང་ཁང་ཚུ་ནང་ ཉེར་མཁོའི་བཟའ་འཐུང་གི་ཅ་ཆས་ མེ་ཊིཀ་ཊན་ ༡༩ ༡༤༧ ལྷགཔ་ཅིག་བཙོང་སྟེ་ འོང་འབབ་དངུལ་ཀྲམ་ས་ཡ་ ༩༤༧ བཟོ་ཚུགསཔ་ཡོད་རུང་རུང་ ཧེ་མའི་ལོ་དང་ཕྱདཔ་ད་ འོང་འབབ་བརྒྱ་ཆ་ ༥ མར་བབས་ཡོདཔ་སྦེ་བཏོན་ཡོདཔ་ཨིན་མས།
དེ་མ་ཚད་ འབྲུག་བཟའ་སྤྱོད་ལས་འཛིན་ཚད་ཀྱི་སྙན་ཞུ་དང་འཁྲིལ་བ་ཅིན་ བཟའ་འཐུང་གི་ཅ་ཆས་བཙོང་མི་མང་ཉུང་ཡང་ ཧ་མའི་ལོ་དང་ཕྱདཔ་ད་བརྒྱ་ཆ་༩ གི་མར་བབས་ཡོདཔ་སྦེ་འཐོན་ཡོདཔ་ཨིན་མས། ཟླ་གྲངས་ཀྱི་ཚོང་རྩིས་དང་འཁྲིལ་བ་ཅིན་ སྤྱི་ཟླ་ ༡༢ ནང་ འོང་འབབ་དངུལ་ཀྲམ་ས་ཡ་ ༡༠༢ ལྷགཕ་ཅིག་བཟོ་དེ་ འོང་འབབ་མཐོ་ཤོས་ཐོབ་ཡོདཔ་ད་ སྤྱི་ཟླ་ ༢ ནང་ འོང་འབབ་དངུལ་ཀྲམ་ས་ཡ་ ༦༤ ལྷགཔ་ཅིག་བཟོ་སྟོ་ འོང་འབབ་ཉུང་སུ་སྦེ་ཟླཝ་སྦེ་འཐོན་ཡོདཔ་ཨིན་མས། ཟླ་རིམ་བཞིན་ལས་འཛིན་གྱིས་ འོང་འབབ་དངུལ་ཀྲམ་ས་ཡ་ ༧༥ ལྷགཔ་ཅིག་བཟོ་ཚུགསཔ་ཡོདཔ་ཨིན་མས།
སངས་རྒྱས་རབ་བརྟན།
